Posted by: Devi Nangrani | فيبروري 23, 2011

रामेश्वर काम्बोज की दो लघुकथाएं

 1-पहंजा पहंजा सन्दर्भ

हिन भयंकर थध में ब् वेद बाबू खीर वारे वट मुखाँ पहरीं वेठल मिल्यो. मंकी कैप माँ लीआ पाईंदड़ हुनजे चहरे ते हर रोज़ वांगुर नर्म उस जहड़ी मुर्क टिरयल हुई.

मोटंदे वक़्त वेदबाबू खे छातीअ में सूर महसूस थियण लगो. हू मुहंजे कुल्हे ते हथ हणी चवण लगो-‘‘जाणीं थो ही कहड़ो सूर आहे?’’ मुन्हजे जवाब जो इन्तज़ार करण खां सवाइ धीमे आवाज़ में वरी चयाईँ-‘‘ही दर्दे-दिल आहे. ही सूर याँ त मूँ जहड़े बुढन खे थींदों आहे, या तो जहड़े जवानन खे.’’

मूँ मुरकी डिनो. आहिस्ते-आहिस्ते हुन जो सूर वधण लगो.

‘‘माँ तव्हाँ खे घर तांईं पहुचाए थो अचाँ’’ मोड़ ते पहुँचंदे मूं उन्हन खे अर्ज़ कयो. ‘‘अजु तव्हांजी तबीयत ठीक नथी लगे.’’

‘‘तूं छो थो तकलीफ करीं? माँ हल्यो वेंदुस. मूसाण तूं केसीं ताईं हलंदें? पहंजे वारंट ते चित्रगुप्त जे ठपे लगण जी देर आहे.’’ वेद बाबूअ खिली करे मूंखे रोकण चाह्यो.

मुंहजो हथु पकड़े ईंदो डिसी वेदबाबू जी ज़ाल छिरकी-‘‘लगे थो तव्हांजी तबियत अञ वरी ख़राब थी पई आहे. मूं तव्हांखे खीरु आणण लाइ रोक्यो हो न?’’

‘‘मुखे कुछ कीन थ्यो आहे.”

” ही वर्मा ज़िद करे वेठो त बार वांगुर मुहिंजो हथु पकड़े हलु. मूं ब खणी हुन जी गाल्ह मञ.’’ हू खिल्यो

हुनजी ज़ाल अग्यां वधी घोट खे ईज़ी चेयर ते विहारयो. दवा डीन्दे दुख भरये लहज़े में चयाईं-‘‘रात-रात-जागी पुटन जे बारे में प्यो सोचींदो आहीं. जडंह कोई पुट असां खे पाण वट रखण ई नथो चाहे त असीं छा करयूँ, जान डई छड्यूं अहड़ी ओलाद लाइ. चवन था घरु नंढो आहे. तव्हां खे रहण में परेशानी थींदी. दिल्लीअ में ढंग जा मकान बिना थुल्ही रकम डियण खाँ सवाइ किराए ते मिलन ई नथा.’’

वेदबाबूअ हुन खे चुप रहण जो इशारों कयो-‘‘उन्हन खे डोहु छो थी डीं भागनवारी. थोड़ा-के साह बचा आहिन, कींअ ब करे पूरा थी ई वेन्दा…-’’ चवंदे-चवंदे असखुद ब गोड्हा हुनजी भिरुन में अची उलझी व्या.

http://www.laghukatha.com/bhasanter29.htm

2-धारणा

माँ हिन शहर में बिल्कुल अनजान हुयुस. काफी डुक-डोर करे कंह तरह पासी मुहल्ले में हिकु मकान गोल्हे सघ्युस. ट्यो डींहु ही कुटिंब शिफ़्ट कयो हो. गाल्ह गाल्ह में आफ़िस में ख़बर पई त माँ पंहंजे कुटुंब सां पासी मुहल्ले में शिफ़्ट करे चुको आह्याँ. वड़े साहब छिरकंदे चयो -‘तव्हां पहिंजे परिवार साँ हिन मोहल्ले में रही सघंदा.’

‘छा कुछ गड़बड़ थी वई आहे सर?’ मूँ हैरानीअ साँ पुछो.

‘ तमाम गंदो मुहल्लो आहे. हिते घणो करे हर डींह कुछ न कुछ लफड़ो थींदो रहंदो आहे. सँभाल साँ रहणो पवंदव.’ साहब जे मथे ते चिन्ता जूँ रेखाऊँ उभरयूं–‘हीउ मुहल्लो गन्दे मुहल्ले जे नाले साँ बदनाम आहे. गुण्डागर्दी ब कुछ घणी आहे उत.’

माँ पहंजी सीट ते अची वेठों ई हुयस त व वडो बाबू अची पहुतो-‘सर तव्हाँ मकान गन्दे मुहल्ले में वरतों आहे. ’

‘लगे थो मूँ मकान वठी ठीक न कयो आहे.’ -मूँ पछतावे जे सुर में चयो.

‘हा, सर ठीक न कयो आहे. ही मुहल्लो रहण लायक नाहे. जेतरो जल्दी थी सघे, मकान बदले छड्यो’ -हुन पंहंज्यू अनुभवी अख़्यू मूँ ते टिकाए छड्यूँ.

हिन मुहल्ले में अचण जे करे माँ घणी चिंता में पइजी व्युस. घर जे साम्हूँ पान-टाफ़ी विकणण वारे खोखे ते नज़र पई. खोखेवारो कारो-कलूटो मुछुनवारो, हिक दम गुण्डो थे नज़र आयो. कचर-कचर पान चबाईंदे हू अजा ब घणो भवाइतो पे लगो.

सचमुच माँ ग़लत जगह ते अची व्यो आह्याँ. मुखे सञी रात ठीक साँ निंड न आई. छित ते कँह जे टिपण जो आवाज़ आयो. मुहिंजा साहु सुकी व्यो. माँ डिञंदे डिञंदे उथ्युस. बिना आहट जे बाहिर आयुस. दिल ज़ोर साँ धड़की रही हुई. खुड् ते नज़र वई, उते हिक बिल्ली वेठी हुई.

अजु बिपहरन जो बाज़ार माँ अची करे लेटियुस त अख लगी वई. थोड़ी देर में दरवाज़े ते खड़को थ्यो. दरवाज़ो खुल्यल हो, माँ हड़बड़ाइजी करे उथयस.

साम्हूं उहोई पान वारो मुछन्दर बीठो मुरकी रह्यो हो. बिपहरन जो सन्नाटो हुयो. मुखे कट्यो त खून ही न हुजे.

‘छा गाल्ह आहे? मूँ पुछ्योमांस

‘ शायद तव्हांजो ई बार हूंदो. टाफ़ी वठण लाइ मूं वट आयो. हुन ही नोट मुंखे डिनो’-चवंदे हुन पान वारे सौ जो नोट मूंडे वधायों. माँ छिरक्युस. ही सौ जो नोट मुहिंजी ख़मीस जे खीसे में हो. डिठो – खीसो खाली हो. लगे थो सोनूअ चुपचाप मुंहिंजे खीसे माँ सौ जो ही नोट कढी वरतो हो.

‘ टाफ़ीअ जा घणा पैसा थ्या?”

‘सिर्फ़ पन्झा पैसा, वरी कड़ंह वठंदोसांव”-हू कचर-कचर पान चबाईंदे मुरक्यो. हुन जो चहरो उजली मुरक में वेड्हयल हो. -‘चंगो बाबू साहब, प्रणाम ! ’ चई हू मोटी व्यो.

माँ ख़ुद खे हींअर तमाम घणो हलको महसूस करे रह्यो होस.

अनुवाद: देवी नागरानी

-0-

Advertisements

جواب ڇڏيو

لاگ ان ٿيڻ لاءِ هيٺ پنهنجي تفصيل ڀريو يا ڪنهن آئڪان تي ڪلڪ ڪريو:

WordPress.com Logo

توهان پنهنجو WordPress.com اڪائونٽ استعمال ڪندي رايو ڏئي رهيا آهيو. لاگ آئوٽ ڪريو / تبديل ڪريو )

Twitter picture

توهان پنهنجو Twitter اڪائونٽ استعمال ڪندي رايو ڏئي رهيا آهيو. لاگ آئوٽ ڪريو / تبديل ڪريو )

Facebook photo

توهان پنهنجو Facebook اڪائونٽ استعمال ڪندي رايو ڏئي رهيا آهيو. لاگ آئوٽ ڪريو / تبديل ڪريو )

Google+ photo

توهان پنهنجو Google+ اڪائونٽ استعمال ڪندي رايو ڏئي رهيا آهيو. لاگ آئوٽ ڪريو / تبديل ڪريو )

%s سان رابطو پيو ڪري

طبقا

%d bloggers like this: