सुहानुभूति (लघुकथा)
कार्यालय में बदली थी आयल नएँ अधिकारीअ ऐं उते जे वर्क शाप जे हिक अधिकारी रामू दादा जे विच में गरमागर्मीअ में बहस मुबाइसो हली रह्यो हो।
अधिकारी वक़्त ते कहिं कम जे पूरे न थियण जे करे वडे आवाज़ में दड़का डई रह्यो हो-
“तूँ निहायत ही आलसी ऐं कम चोरु आहीं ।“
“डिसो साईं ! हिन तरह गारयूँ डियण जो तव्हाँ खे को हकु न आहे।“
“छो न आहे?”
“तव्हाँ ब सरकारी नौकर आह्यो ऐं माँ ब ।“
“चुप्प !”
“रड्यूं न करयो! मुहिंजे ट्रान्सफर खां वधीक तव्हां कुछ ब नथा करे सघो।“
“ऐं उहो ई माँ थियणु न डींदुस।“
“तव्हाँ खे जो चवणों या पुछणों हुजे, लिखी चओ यां पुच्छो, माँ जवाब डई वठंदुस, पर हिन तरह तव्हाँ मुखे डांटे-फटकारे नथा सघो, न त ……..”
“माँ लिखति में कार्रवाई करे तुहिंजे बारन-बच्चन जे पेट ते लत न हणंदस। गलती तूँ थो करीं, त चालाकी ब तोसांण ही कंदुस। तोखे जो करणों आहे … सो कर। समझइ ? ”
रामू लाजवाब थी करे, माठि में कन्धु झुकाए कार्यालय माँ बाहर निकरी आयो।
बाहिर बीठलन साथ्युन सवलाईअ सां अनुमान लगायो त अजु घर वजण वक़्त साहब जी ख़ैर नाहे। दादा उन्हन खे आइनो जरूर देखारींन्दा, जींअ हू वरी कहिंजी हिन तरह बे-इज़्ज़ती न करे सघे।
एतरे में उन्हन बीठलन माँ कहिं चयो- “दादा! लगे थो हिन खे ब सबकु सेखारणों ही पवंदों। ”
“न रे न ! सबकु त अजु हुन मुखे सेखारे छडयो आहे । हू फ़क़त पहिंजों अफसर ई न आहे, पीउ ब आहे, जहिंखे मुखां वधीक मुहिंजे बारन जी चिन्ता आहे ।”
एतरो चई हू कम वारी जगह डांहु मुड़ी वयो।
लेखक: डॉ॰ सतीशराज पुश्करणा
अनुवाद: देवी नागरानी
बेहतरीन
By: tejwani girdhar on فيبروري 14, 2013
at 4:34 am